التدبر
القرآن عبارة عن كتالوج آلى مينفعش تركبه الا فى قلبك مهمته يوجهك الى الجنة اول ما تتأثر بيه وطريقة تركيبه الوحيدة هى التدبر والعلامة الاساسية لصحة التركيب هى البكاءالغلطة ان الناس بتحاول تحط الكتالوج دا فى مكان غلط زى لسانها او ذاكرتها فبتقراه او تحفظه من غير تدبر او حتى بتحطه فى العربية
ايه هو التدبر بقى ؟ هو (فهم المعنى العام) لان السورة انزلت مخصوص عشان معنى واحد مرموز له فى "اسم السورة" وممكن تلاقى كذا محور تحته لكن بتصب فى نفس الهدف
تدبر سريع لسورة الكهف فى عدة محاور
عقيدة :أولها كلام عن العقيدة وهو المطلوب ، مشقة :ثم قصة أعجوبة أهل كهف ومشقة تحملهم للعقيدة، الدنيا :قصة الدنيا كلها فى صورة صاحب الجنتين ، النعمة لاتدوم ، الملك :قصة ذو القرنين ،الملك بيد الله يؤتيه للقوى العليم الحكيم "ذى القرنين" مش للمستضعفين ودا عشان يهلك الظلمة "يأجوج ومأجوج" ، علم الله:وقصة موسى والخضر ، علم الله أوسع من علمنا فمنزعلش لما نلاقى الدنيا مأزم ، النتيجة :آيات أحداث الساعة ونتائج أهل الدنيا
هتلاحظ ان السورة عبارة عن تجسيد للدنيا ولخص السبيل الوحيد للنجاة من فتنها فى الكهف (حصن العقيدة) اما الملك الظالم اللى طارد اهل الكهف واللى اظلم منه "يأجوج ومأجوج" ودنيته وقومه ونعمته واللى أكثرنعمة منه"ذو الجنتين" فقد زالوا دا كله عشان "وكذلك أعثرنا عليهم ليعلموا ان وعد الله حق" بنصرة اهل العقيدة ويتضح لهم ما خفى عنهم من تدبيره لهم بعلمه كما خفى عن موسى ما علمه الله للخضر
متقراش كتب تفسير علمية ، عشان تتدبر اقرأ كتاب الظلال للاستاذ سيد قطب - أو كتاب صفوة التفاسير للشيخ الصابونى - لانه انجز قضية محاور السورة وترابط المعانى أو وميهمكش الوقت لانك مش مطلوب تختم القرآن فى وقت معين طول ما انت لسه بتحاول تفهمه
التدبر بجب ان يتبعه عمل ، يعنى متقراش آيات الظلم ، وتطلع تظلم الناس تبقى موصلتش لحاجة والكتالوج ممشاش معاك صح اقرأ تانى وحاول تفهم وتتأثر
قراءة لم الحسنات غلط ، لان حسناتها بسيطة بالنسبة للتدبر ، الفرق بين اللى بيلم حسنات واللى بيتدبر زى اللى معاه عشرين شوال جنيهات معدن عاملين 100 الف جنيه واللى معاه شنطة صغيرة فيها مليون دولار لان الكم لا يساوى القيمة دائماً
القرآن عشان تقراه صح لازم تكون قرائتك موافقة لقراءة النبى - صلى الله عليه وسلم - فلازم تسمع الأول من شيخ
قال - تعالى - " أفلا يتدبرون القرآن أم على قلوب أقفالها" افتح قلبك ، وقال أيضاً " أفلا يتدبرون القرآن ولو كان من عند غير الله لوجدوا فيه اختلافاً كثيراً " شغل عقلك
طريقة سهلة: هات مصحف واوضة فاضية وكتاب فى ظلال القرأن .. اقرا مقدمة السورة اللى هتقراها كفاية عشان تفهم محاورها ، واخشع وابدأ اقرأ بصوت حزين وتخيل المعانى والمحاور وحدد وقت للقراءة مش صفحات عشان متبقاش متسربع عشان تخلص
0 التعليقات:
إرسال تعليق